Forum Tunisien d'Internet

وانت شكونك ؟

من انتم ؟ أنا معتصم ... لواه ... منعرفش ريتهم في صفحة فلفايس بوك قالو غدوة فما إعتصام . شكونك إنت ؟ أنا إسلامي و العلمانيين الكفار إحبّو ياخذولي بلادي . شكونك إنت ؟ أنا علماني و الإسلاميين المتخلفين إحبّو إرجعونا التالي ... و إنتوما شكونكم ؟ أنا مع الهمّامي ، و أنا مع الغنّوشي ، لا لا لا أنا مع الشابيّ ، يا ولادي إسكتو و الله ماتشوفو...ما يشدّها كان المرزوقي ، ههههه أذاكا إلّي مزال ما يشدّها كان أحمد إبراهيم ... وإنت شكونك شبيك مع الأقلية الصامتة تكلم ... أنا ... براس الحنينية ما تعملّي شي أنا تجمّعي سابق و الله غلطوني و مانيش قاصد ...و إنت إلّي من غادي شنية إلّي هازو على ظهرك وين ماشي ؟؟؟ أنا ماشي نكسر الكارطي و منقضي عل الفساد الكل و غدوة ندور عل البار . و إنت ؟؟؟؟؟؟؟؟ أنا زبراط عيشتي بيرة و لا يهمني لا حرام و لا حلال ... وإنت شبيك مستلبس ؟؟؟ شعملت ؟؟ أنا ماشي نحرق لا عيني بقعدة في تونس و لا شهرية زوز سوردي ... و إنت إلّي متكّي ع الحيط شبيك ؟؟؟؟ أنا نستنى في البطولة ترجع الجمعيّة توحشتها و ڤلبي معا الكوارجية ... و إنت يلّي واقف قدام الخدمة شبيك مكش في بيروك ؟ أنا نستنى في عرفي يخرج من بيروه باش نقلّو ديڤاج ،و أنا نستنى فيه باش إزيدلي الشهرية ... وإنتوما شبيكم ماتقراوش ؟؟؟ ههههه مزال فاها قراية عملين مظاهرة

و إنت ؟؟؟؟ أنا ما فهم شي .... و راس خويا حتى أنا من بكري نسأل و كيفي كيفك ما فهمت شي .

و إنتوما شكونكم ؟؟؟؟؟

www.tasnim-design.com