Nombre total de pages vues

lundi 14 mars 2011

وقتاش باش نفيقو على وضعنا يا توانسة؟؟؟

وقتاش باش نفيقو على وضعنا يا توانسة؟؟؟

والله شي يمقط سيبنا المسائل الأساسية مثل استقلال المحاماة والقضاء حيثصرحت القاضية المناظلة سميرة الكعبي والتي تعرضت للعديد من المظالم في عهد الزين صرحت في الجزيرة البارحة أن بعض القضاة ذوي التصرفات الغير نزيهة حسب السيدة الكعبي وعلى رأسهم أحمد الرحموني سعيهم لتوقيع جدول العمل وعريضة القضاء دون تقديمها للمناقشة بعبارة أخرى آهو المنشور حاضر باش يلا صجوا عليه دون مناقشته أو تعديله بما يخدم مصالح الشعب واستقلال القضاء بعبارة أخرى استقلال القضاء أي العدالة على المحك يعني انساو العدل والانصاف والنزاهة الخ من المرادفات

والله فدوني هاالجماعة سيبوا في الدنيا الكل وفي الأسس ودخلوا في بوتقة صراع الاتجاهات والقياعات الفكرية والفلسفية ماهو فكوا فكوا علينا من ها الهداري والتركوا الكلمة لصندوق الاقتراع وصوت الأغلبية

بربي حاولوا البحث عن اصول المفاهيم قبل النقاش فيها ولو أنو ياجماعة قاعدين يلعبولكم على مسألة الدين ومسألة فرق تسد وعندكوم مثال العراق مازال بربي لماذا ندخلوا في نقاش سفسطائي يا جماعة فيقوا راهم

حطولنا منداف مقلوب و احنا حصلنا

طبعا مادام مافماش مظاهرات باش يحطولنا فيهم مندسين توا لازم يشوفو طريقة اخرى يلهيونا بيها

توّا وقتو النقاشات في العلمانية و الاسلام ؟؟

اللي يسمع يقول الانتخابات بعد شهر ... مازال بكري على النقاشات هذي ... فما ما أبجل

عينولنا معتمد تجمّعي من جملة معتمد، والناس تناقش في العلمانية ... كلات بعضها في المتلوي و والناس تناقش في العلمانية ... عرفوا انو الشعب يمكن يطالب بنظام برلماني ياخي كثرولكم من الاحزاب ذات الجذور التجمعية باش يستحوذوا على أكثر عدد من المقاعد اذا أصبحت تونس ذات نظام برلماني ... والناس تناقش في العلمانية ... رموز التجمع مزالت تحوس على كيف كيفها في البلاد و تعمل في أحزاب جديدة دون أدنى محاسبة على ما اقترفت ايديهم من قتل و نهب في السابق والناس تناقش في العلمانية

وقتاش باش نفيقو على وضعنا يا توانسة؟؟؟

Aucun commentaire:

Enregistrer un commentaire