: إلى "الاغلبية" الصامتة kooora Tunisie رد على مقال
الأغلبية الصامتة تحب تبني ما تحبش اتهدم
معتصمين القبّة ما سبّوش معتصمين القصبة و ما حادفوهمش بالحجر.
معتصمين القبّة كانوا في مقدمة الثوار منذ البداية و حتى حد ما ينكر عليهم هذا.
اذا اتعلق الامر بالفئة الى تحكي عليها برك راه أمرها هان على البوب و راهم كلاوهم ماكلة.
قدّاش هوما ابكل؟ 10 ولا 20 ولا 100 الف؟ ما يكفيواش باش يعملوا ثورة.
تحب تقولوللنا الي الأربعة كعبات الى في القصبة هوما وحدهم الي جابوا الثورة؟
هذا عيب نسيتوا اش كون كان في المقدمة من حقوقيين و سياسيين و صحفيين و حتى الفنانين؟
اش كون اعطى للثورة أبعادها؟
التوانسة بكل فئاتهم اتضربوا بالماتراك و اللكريموجان و الكرتوش. ماهيش فئة معينة الي كلات الضرب.
صحيح فمّة فئة معينة انتهزت الفرصة و "دبرت روسها" و صحيح زادة ألي ما همش جماعة القبّة،
أما ما همش هوما الي ناضلوا أكثر من غيرهم و ممكن العكس على خاطر كانوا لاهين يعبيوا.
خلافا لما أشيع معتصمين القصبة و مع كامل احترامي ليهم و لطلباتهم ما همش الزواولة الي يخمموا في قوت أولادهم : يصورا في خير ربي، هاي الفلوس إتدز عليهم بالكراهب و ما همش ساقين حفيانة و ما جاوش للقصبة مشي أما في الكنفور و على كراهب لوكسيون.
عيب زرع الفتنة و البغض بين المواطنين.
ما نجيو شئ اذا نتشتتوا.
اذا معتصمين القصبة هوما وحدهم الي عملوا الثورة علاش قعدوا يستناو حتى التو باش يثوروا؟
الفترة القديمة كل التوانسة على بكرة ابيهم مسؤولين عليها كيف الغني كيف الفقير كيف المتعلم كيف الجاهل. و حتى واحد ما ينجم يلوم على الآخر لأننا كنّا أنانيين على بكرة أبينا و أنانيتنا ولدت عندنا الخوف و خلاتنا ضعاف.
وقتاش عملنا الثورة؟
عملناها وقت الى تخلصنا من أنانيتنا و قربنا لبعضنا و حسينا بقوتنا.... و حسينا بقوتنا... و حسينا بقوتنا...الكل مع بعضنا.
كفي فتنة و كلام فارغ..,. جماعة القصبة ما يجييو شي بلاش جماعة القبة و العكس بالعكس,
معتصمين القبة يناديو بحاجة واحدة : مصلحة بلادنا. موش مصلحتهم هوما الشخصية.
صحيح هوما أغلبيتهم لا باس عليهم و لا خوف عليهم من الجوع و العرى أما خايفين على بلادهم وعلى اخوانهم من الجوع و العرى.
هوما في موقع يسمحلهم باش يشوفو خير. ينجمو يشوفو الخطر الى يتربص ببلادنا قبل غيرهم وينبهوا اخوانهم.
الغنوشي امشى على روحه، و حتى بقيّة الوزرة المنسوبة على التجمع امشاو.
هوما يناديو باش الناس تخدم على ارواحها و اتصور قوت اولادها و تساهم في عز بلادها.
هوما يناديو باش ما نرجعوش للأنانية و نضحيوا الكل لعزّة بلادنا.
هوما يناديو بحق آلاف العائلات الى تعيش من المدينة العربي، حقهم باش يخدموا على ارواحهم ويصوروا قوت أولادهم لأنهم اليوم منكوبين بسبب الاعتصام و يهددوا باش يعملوا ثورة على الاعتصام.
هوما يناديو بحق آلاف العائلات الى تعيش من الوتلة والى اليوم بطّالة بلاش مورد رزق،
هوما يناديو بحق آلاف العائلات الى غروا بيهم أصحاب الشر و اتسببولهم في ضياع مورد رزقهم.
هوما يناديوا باش ما انبدلوش نكبة الطرابلسية بنكبتنا لبعضنا بعض.
هوما يقولوا ألّي ثورتنا ثورة كرامة و ما يلزمهاش تردنا انساسييوا لأننا لا قدر الله نخسروا كرامتنا.
هوما يقولوا بلادنا في خطر:
أولادنا في الدار موش في المدارس و الكليات،
معاملنا واقفة و بعضها سكّر،
البطالة كانوا واحد ولاو زوز،
الوتلة سكّرت و خدّامتها إفّامها للريح،
المستثمرين الاجانب هربوا بسبب مطالبنا المشطة،
قيمة بلادنا طاحت بين الدول و ما عادش باش نلقاو تمويلات بسهولة و حتى كيف نلقاوها تكون بالسوم الغالي.
بلادنا بركت على ركايبها و يلزمنا نسندوها و نوقفوها على ساقيها و نرفعولها رأسها ألي هو روسنا الكل.
يلزمنا نرفعولها رأسها...
يلزمنا نرفعولها رأسها...
يلزمنا نرفعولها رأسها... حتى نهزوا روسنا
هذا أقل شئ نعملوه لتونسنا الغالية
معتصمين القبّة ما سبّوش معتصمين القصبة و ما حادفوهمش بالحجر.
معتصمين القبّة كانوا في مقدمة الثوار منذ البداية و حتى حد ما ينكر عليهم هذا.
اذا اتعلق الامر بالفئة الى تحكي عليها برك راه أمرها هان على البوب و راهم كلاوهم ماكلة.
قدّاش هوما ابكل؟ 10 ولا 20 ولا 100 الف؟ ما يكفيواش باش يعملوا ثورة.
تحب تقولوللنا الي الأربعة كعبات الى في القصبة هوما وحدهم الي جابوا الثورة؟
هذا عيب نسيتوا اش كون كان في المقدمة من حقوقيين و سياسيين و صحفيين و حتى الفنانين؟
اش كون اعطى للثورة أبعادها؟
التوانسة بكل فئاتهم اتضربوا بالماتراك و اللكريموجان و الكرتوش. ماهيش فئة معينة الي كلات الضرب.
صحيح فمّة فئة معينة انتهزت الفرصة و "دبرت روسها" و صحيح زادة ألي ما همش جماعة القبّة،
أما ما همش هوما الي ناضلوا أكثر من غيرهم و ممكن العكس على خاطر كانوا لاهين يعبيوا.
خلافا لما أشيع معتصمين القصبة و مع كامل احترامي ليهم و لطلباتهم ما همش الزواولة الي يخمموا في قوت أولادهم : يصورا في خير ربي، هاي الفلوس إتدز عليهم بالكراهب و ما همش ساقين حفيانة و ما جاوش للقصبة مشي أما في الكنفور و على كراهب لوكسيون.
عيب زرع الفتنة و البغض بين المواطنين.
ما نجيو شئ اذا نتشتتوا.
اذا معتصمين القصبة هوما وحدهم الي عملوا الثورة علاش قعدوا يستناو حتى التو باش يثوروا؟
الفترة القديمة كل التوانسة على بكرة ابيهم مسؤولين عليها كيف الغني كيف الفقير كيف المتعلم كيف الجاهل. و حتى واحد ما ينجم يلوم على الآخر لأننا كنّا أنانيين على بكرة أبينا و أنانيتنا ولدت عندنا الخوف و خلاتنا ضعاف.
وقتاش عملنا الثورة؟
عملناها وقت الى تخلصنا من أنانيتنا و قربنا لبعضنا و حسينا بقوتنا.... و حسينا بقوتنا... و حسينا بقوتنا...الكل مع بعضنا.
كفي فتنة و كلام فارغ..,. جماعة القصبة ما يجييو شي بلاش جماعة القبة و العكس بالعكس,
معتصمين القبة يناديو بحاجة واحدة : مصلحة بلادنا. موش مصلحتهم هوما الشخصية.
صحيح هوما أغلبيتهم لا باس عليهم و لا خوف عليهم من الجوع و العرى أما خايفين على بلادهم وعلى اخوانهم من الجوع و العرى.
هوما في موقع يسمحلهم باش يشوفو خير. ينجمو يشوفو الخطر الى يتربص ببلادنا قبل غيرهم وينبهوا اخوانهم.
الغنوشي امشى على روحه، و حتى بقيّة الوزرة المنسوبة على التجمع امشاو.
هوما يناديو باش الناس تخدم على ارواحها و اتصور قوت اولادها و تساهم في عز بلادها.
هوما يناديو باش ما نرجعوش للأنانية و نضحيوا الكل لعزّة بلادنا.
هوما يناديو بحق آلاف العائلات الى تعيش من المدينة العربي، حقهم باش يخدموا على ارواحهم ويصوروا قوت أولادهم لأنهم اليوم منكوبين بسبب الاعتصام و يهددوا باش يعملوا ثورة على الاعتصام.
هوما يناديو بحق آلاف العائلات الى تعيش من الوتلة والى اليوم بطّالة بلاش مورد رزق،
هوما يناديو بحق آلاف العائلات الى غروا بيهم أصحاب الشر و اتسببولهم في ضياع مورد رزقهم.
هوما يناديوا باش ما انبدلوش نكبة الطرابلسية بنكبتنا لبعضنا بعض.
هوما يقولوا ألّي ثورتنا ثورة كرامة و ما يلزمهاش تردنا انساسييوا لأننا لا قدر الله نخسروا كرامتنا.
هوما يقولوا بلادنا في خطر:
أولادنا في الدار موش في المدارس و الكليات،
معاملنا واقفة و بعضها سكّر،
البطالة كانوا واحد ولاو زوز،
الوتلة سكّرت و خدّامتها إفّامها للريح،
المستثمرين الاجانب هربوا بسبب مطالبنا المشطة،
قيمة بلادنا طاحت بين الدول و ما عادش باش نلقاو تمويلات بسهولة و حتى كيف نلقاوها تكون بالسوم الغالي.
بلادنا بركت على ركايبها و يلزمنا نسندوها و نوقفوها على ساقيها و نرفعولها رأسها ألي هو روسنا الكل.
يلزمنا نرفعولها رأسها...
يلزمنا نرفعولها رأسها...
يلزمنا نرفعولها رأسها... حتى نهزوا روسنا
هذا أقل شئ نعملوه لتونسنا الغالية
By : Moncef Kitar
Aucun commentaire:
Enregistrer un commentaire